Kryetari i Lidhjes Demokratike e Kosovës, Lumir Abdixhiku ka reaguar pas raportimeve të fundit rreth sulmeve ndaj zyrtarëve kufitar të Policisë së Kosovës.
Në një njoftim për media LDK ka cituar fjalët e kryetarit të saj, duke thënë se po i ndjekin me shqetësim të madh raportimet rreth sulmeve të armatosura ndaj Policisë së Kosovë në pjesën veriore.
LDK thotë se ofron mbështetjen e nevojshme për Policinë dhe institucionet në kryerjen e detyrave të tyre.
Postimi i plotë:
Në vijim gjeni reagimin e kryetarit të Lidhjes Demokratike të Kosovës, Lumir Abdixhiku në lidhje me sulmet ndaj zyrtarëve kufitar të Policisë së Kosovës.
“Lidhja Demokratike e Kosovës me shqetësim të madh është duke i ndjekur lajmet e fundit rreth sulmeve të armatosura ndaj zyrtarëve kufitar të Policisë së Kosovës. LDK ofron gjithë mbështetjen e nevojshme për Policinë e Kosovës dhe institucionet e tjera të sigurisë në ushtrimin e detyrave kushtetuese dhe garantimin e sigurisë në gjithë territorin e Republikës së Kosovës.”
