Dhjetëra mijëra tifozë të Liverpoolit kanë zbritur në Paris dhe kanë lyer qytetin me të kuqe përpara finales së sonte të Ligës së Kampionëve.
Skuadra e Jurgen Klopp do të përballet me 13-herë fituesit, Real Madridin në Stade de France, në veri të kryeqytetit francez.
Një turmë e madhe me këmisha të kuqe rrethoi zonën Cours de Vincennes në zonën juglindore të Parisit gjatë mëngjesit, ku është ngritur një zonë tifozësh.
Rreth 50,000 mbështetës, kryesisht pa bileta, filluan të mblidhen herët gjatë ditës, disa duke filluar të pinë nga ora 7 e mëngjesit, duke e ndalur trafikun në zonë pasi rrugët u mbyllën.
Turma e madhe kënduan You’ll Never Walk Alone përpara se të brohoriste legjendën e klubit Kenny Dalglish. Ai u tha mbështetësve se sa i jashtëzakonshëm ishte sezoni i Liverpool-it përpara se ata të thërrisnin emrin e tij.
Një prezencë e meadhe policie është në këtë zonë, duke përfshirë oficerë të armatosur. Ndërkohë, në Champs Elysees, tifozët mund të gjobiten me 135 euro nga policia nëse veshin ngjyra të klubit – duke përfshirë kapele, shalle dhe pankarta.
Fan John Racks, 39, nga Wirral, Merseyside, i tha PA: “Po, pirja filloi herët, dielli po del tani dhe po më vjen pak në kokë”.
“Do të doja të thoja që në të 40-at jam i kujdesshëm, por disi humba dhe fillova të pij sot në mëngjes, tani jam i dërrmuar. Atmosfera këtu është bos, qyteti është i kuq.’
Një tjetër tha: ‘Jam ulur këtu në majë të një statuje në Paris me shokët e mi, nuk ka asgjë më shumë që ju nevojitet. Vetëm disa birra dhe shpresojmë një fitore për Reds.
