image 32-vjeçari që rrezikoi me makinë jetën e qytetarëve në sheshin e Tiranës ishte i droguar, policia jep detaje

Shqipëri

32-vjeçari që rrezikoi me makinë jetën e qytetarëve në sheshin e Tiranës ishte i droguar, policia jep detaje

news image

Një incident që rrezikoi jetën e qindra qytetarëve ka ndodhur mesditën e sotme në sheshin “Skënderbej” në Tiranë. Atje, një 32-vjeçar u fut brenda sheshit me makinë me një shpejtësi të pakontrolluar.

Sipas policisë, Arben Mema, fillimisht ka përplasur tri automjete në vende të ndryshme, duke u shkaktuar dëme materiale. Pastaj, ka thyer barrierat mbrojtëse dhe ka hyrë në shesh, duke rrezikuar seriozisht qytetarët.

“Nga verifikimet paraprake të Policisë, nuk ka persona të lënduar dhe dyshohet se drejtuesi i mjetit është nën efektin e lëndëve narkotike”, thuhet ndër të tjera në njoftimin e policisë, raporton Gazeta Sinjali.

Policia bën të ditur po ashtu se gjatë kontrollit te i dyshuari është gjetur dhe është konfiskuar një sasi me lëndë të dyshuar kanabis.

Njoftimi i plotë:

Në sallën operative ka ardhur njoftim se në sheshin “Skënderbej”, një drejtues mjeti ishte duke kryer manovra të rrezikshme në rrugë, duke rrezikuar jetën e qytetarëve.

Menjëherë pas marrjes së njoftimit, në adresën e dhënë kanë shkuar shërbimet e Policisë, të cilët në bashkëpunim me Policinë Bashkiake dhe qytetarë të rastit kanë bërë të mundur neutralizimin dhe prangosjen e drejtuesit të mjetit, shtetasit A. M., 32 vjeç, i cili është shoqëruar në Komisariat, për veprime të mëtejshme hetimore.

Nga verifikimet paraprake të Policisë nuk ka persona të lënduar dhe dyshohet se drejtuesi i mjetit është nën efektin e lëndëve narkotike.

Gjithashtu, këtij shtetasi gjatë kontrollit fizik iu gjet dhe iu sekuestrua një sasi me lëndë të dyshuar kanabis.

Ky drejtues mjeti fillimisht ka përplasur tri automjete në vende të ndryshme duke shkaktuar dëme materiale dhe më pas ka thyer barrierat mbrojtëse dhe ka hyrë në sheshin “Skënderbej” duke rrezikuar seriozisht qytetarët.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes./Gazeta Sinjali/