Shoqata Sindikale “Posta” mbajtën protestë sot para objektit të Postës së Kosovës. Përmes kësaj proteste ata kërkuan dorëheqjen e parevokueshme të bordit të përkohshëm dhe dorëheqjen e bordit për ristrukturim të postës. Në të kundërtën, paralajmëruan masa radikale.

Kryetari i sindikatës, Liridon Mirena, tha para mediave se heshtja pas “plaçkitjes” prej 40 mijë euro është papërgjegjësi e pafalshme e bordit dhe menaxhmentit.

“Kërkojmë nga kryeministri Kurti që të ndërhyjë urgjentisht, sepse të gjitha këto keqpërdorime po bëhen të emër të tij dhe partisë së tij. Kërkojmë nga kryeministri Kurti ta lirojë Postën nga keqpërdoruesit, përfituesit e servilët që ishin të tillë me të gjitha pushtetet dhe partitë. Protesta jonë sot është fillim i revoltës së punëtorëve të Postës”, tha ai./Gazeta Sinjali/