Një ditë para fillimit të stinorit pranveror, KB Bashkimi është përforcuar edhe me një basketbollist, shkruan Sporti në Sinjali.

Bëhet fjalë për amerikanin, Stephen Croone, i cili luan në pozitën e ‘pllejmejkerit’.

KB Bashkimi ka njoftuar se Croone është paraqitur sot për regjistrim në FBK, teksa në ditët në vijim pritet t’i bashkohet ekipit.

Stephen Croone së fundmi ishte pjesë e skuadrës bullgare, Tundja Yambol, ku luajti me mesatare prej 18.5 pikëve për ndeshje. /Sporti në Sinjali/.