Pas vetëm një gjysmësezoni të kaluar, Steven Hoffman nuk do jetë më pjesë e KF Llapit, shkruan Sporti në Sinjali.
Përmes një njoftimi në faqen zyrtare të klubit, KF Llapi ka bërë të ditur për ndërperjen e bashkëpunimit me portierin jugafrikan.
“KF Llapi dhe portieri jugafrikan Steven Hoffman me marrëveshje të dyanshme kanë ndërprerë bashkëpunimin. Kësisoji, portieri Steven Hoffman nuk do jetë pjesë e KF Llapit në edicionin pranveror.KF Llapi shfrytëzon rastin të falenderoj atë për kontributin e dhënë në 11 ndeshje gjatë së cilave ishte në portë, ku tre herë arriti ta mbaj portën e pa prekur. Klubi i dëshiron suksese në vazhdim të karrierës!” – thuhet në njoftimin e klubit nga Podujeva.
