Klubi gjerman, Bayern ka njoftuar se ata kanë arritur një marrëveshje verbale me Barcelonën për transferimin e Robert Lewandowskit.
Lewandowski ka nënshkruar kontratë katër-vjeçare me klubin spanjoll deri më 2026.
“Është mirë për të dyja palët që kemi qartësi. Roberti ka fituar vlerësimin tonë, ai ka fituar gjithçka me ne. Ne i jemi tepër mirënjohës atij,” tha presidenti i klubit Herbert Hainer në një intervistë.
Drejtori Ekzekutiv Oliver Kahn tha: “Ne kemi rënë dakord për lirimin e Robert Lewandowski. Kemi një marrëveshje verbale me FC Barcelona, kontrata është ende në pritje. Ne e dimë shumë mirë se për çfarë duhet ta falënderojmë Robertin, por lojtarët e mëdhenj gjithashtu janë larguar nga FC Bayern, e kaluara, madje edhe pas kësaj, bota e Bayernit nuk u shpërbë, përkundrazi, shpesh vazhdoi me edhe më shumë sukses.”
Anëtari i bordit sportiv Hasan Salihamidžić shtoi: “Robert Lewandowski ka bërë gjëra të mëdha për FC Bayern. Ne folëm gjatë me kolegët tanë nga Barcelona dhe sqaruam detajet. Ai tha lamtumirë këtë mëngjes. Pas udhëtimit tonë në SHBA, ai do të kthehet edhe një herë dhe do të pimë një kafe së bashku. I urojmë suksese në klubin e tij të ri.”
