Një vajzë e mitur është zhdukur nga dita e hënë në Prishtinë, merr vesh Gazeta Sinjali nga burime në Prokurorinë Themelore të Prishtinës.

15 vjeçarja me banim në lagjen Ulpiana të Prishtinës kishte dalë nga shtëpia mesditën e 21 tetorit dhe nuk është kthyer më në shtëpi.

Familjarët e shqetësuar për fatin e saj dhe në mungesë informacionesh për vendndodhjen e saj, e kanë lajmëruar rastin në Policinë e Kosovës.

Sipas tyre, e mitura nuk vuan nga ndonjë sëmundje dhe se kjo nuk është hera e parë që kishte dalë nga shtëpia në këtë mënyrë.   /Gazeta Sinjali/