Granit Xhaka ka sfiduar Arsenalin që të qëndrojë në krye të Premierligës deri në Kupën e Botës.
Skuadra e Mikel Artetës është katër pikë më shumë se Manchester City pas 10 ndeshjesh.
‘Gunners’ kanë fituar tetë ndeshje radhazi në të gjitha garat dhe këtë sezon kanë përqindjen më të lartë të fitoreve nga çdo ekip në pesë ligat e mëdha të Evropës (93 për qind).
Xhaka ka qenë i rëndësishëm në ngritjen e Arsenalit në Premier League dhe ka paralajmëruar skuadrën që të vazhdojë lidershipin.
“Kur je atje, duhet të jesh atje për aq kohë sa të jetë e mundur.
Nëse kemi mundësinë të qëndrojmë aty ku jemi për momentin dhe të vijë Kupa e Botës, ndoshta është një pushim i mirë për të gjithë, ndoshta edhe për ne, për të përgatitur diçka tjetër për janarin”.
Fitorja e së enjtes në Europa League ndaj PSV Eindhoven do të thotë që Arsenali nuk ka humbur asnjë pikë në Emirates këtë sezon.
“Ne kemi qenë gjithmonë të mirë në shtëpi, por ndoshta tani jemi shumë më të fortë, shumë më kompakt, kemi shumë më tepër zgjidhje”, tha mesfushori. “Që kur erdhi Mikel ne kemi shumë më tepër zgjidhje, ndoshta edhe Plani B dhe C”.
Reprezentuesi i Zvicrës ka rilindur nën drejtimin e Artetës muajt e fundit dhe ai shkroi një tjetër kapitull të përrallës së tij të shpengimit kundër PSV-së, kur goli i tij siguroi kualifikimin në fazën eliminatore të Ligës së Evropës. Më pas Xhaka u pyet nëse po luan futbollin më të mirë të karrierës së tij.
“Është një pyetje e vështirë, nuk dua ta ul veten!” ka thënë Xhaka.
“Kam bërë punë të mirë që jam këtu ku jam për momentin, por është një kohë tjetër, le ta themi këtë. Unë jam shumë më me përvojë, shumë më shumë… jo i zgjuar, sepse nuk dua ta etiketoj veten budalla më parë, por me lojërat, me moshën, me gjithçka tjetër rreth teje bëhu një lojtar tjetër, një person tjetër. Jam shumë i lumtur që gjithçka po shkon ashtu siç kam ëndërruar gjithmonë’.
30-vjeçari nisi të gjitha ndeshjet, përveç njërit këtë sezon dhe është në mesin e disa prej lojtarëve kryesorë të Artetës që nuk kanë pushim.
“Nuk jam i shqetësuar për këtë sepse stafi, trajneri, ata e dinë se si jam fizikisht, si kujdesem për veten. Nuk është hera e parë”, tha ai. “Sigurisht, çdo herë që fiton e bën pak më të lehtë, por unë nuk shqetësohem për minutat, as Kupën e Botës apo për të ardhmen”.
I pyetur se si vazhdon të luajë kaq shumë ndeshje, mesfushori shtoi: “Është sekret! Jo, po bëj shaka… jam 30 vjeç, e njoh trupin tim më mirë se më parë me siguri. Kur je i ri, je ndryshe, mendon ndryshe. Kur jeni 30, e njihni trupin tuaj, e dini saktësisht se për çfarë keni nevojë më shumë dhe për çfarë jo. Sigurisht që ju keni njerëzit tuaj privatë përreth që ju ndihmojnë me gjithçka, me ushqimin, me shërimin“, ka deklaruar mesfushori shqiptar.
Arsenali do të shpresojë të vazhdojë ecurinë e tyre fituese në Southampton të dielën.
