Lideri i Premierligës, Arsenali do të zhvillojë sot duelin ndaj Wolverhampton në kuadër të xhiros së 14-të, shkruan Sinjali Sporti.
‘Topçinjtë’ do t’i presin ‘Ujqërit’ në Emirates me fillim nga ora 16:00.
Londinezët morën lidershipin në tabelë fundjavën që shkoi, pas fitores 1-0 në udhëtim ndaj Brentford, me një gol të vonë të shënuar nga Kai Havertz.
Dy skuadrat tashmë kanë publikuar formacionet zyrtare.
Arsenal XI: Raya; Tomiyasu, Saliba, Gabriel, Zinchenko; Rice, Trossard, Odegaard; Saka, Jesus, Martinelli.
Wolves XI: Sa; Dawson, Kilman, Toti; Semedo, Doyle, Traore, Bellegarde, H. Bueno; Hwang, Cunha.
Arsenali ka shënuar në 31 takimet e fundit me Wolves në të gjitha garat, një seri që shtrihet në shkurt 1979 dhe që është një më pak se rekordi i tyre i klubit prej 32 (kundër West Brom).
