Ish-mesfushori i Arsenalit ka bërë tashmë hapat e tij të parë në stërvitje teksa përgatitet për jetën pasi i ka varur këpucët.
Jack Wilshere ka pranuar se po mendon të tërhiqet nga futbolli, por është i bindur se mund të vazhdojë të luajë nëse mund të gjejë një klub.
Mesfushori ka mbetur pa ekip që nga maji, pasi u largua nga Bournemouth pas gjashtë muajsh me klubin.
Wilshere, 29-vjeçar, aktualisht po stërvitet me ish-skuadrën e tij Arsenal, por po përgatitet gjithashtu për jetën pas futbollit duke bërë disa stërvitje me skuadrën U-23.
Kur u pyet për mundësinë e daljes në pension nga ‘BBC Sport’, Wilshere u përgjigj: “Më duhet të mendoj për këtë.
“Kjo është arsyeja pse po bëj stërvitjen. Jam detyruar ta bëj pak, por jam mirënjohës për mundësinë”.
“Unë 100 për qind mendoj se mund të luaj akoma. Unë jam një djalë i ndershëm, nëse nuk do ta mendoja se mundem, do të isha i pari që do të thoja: Mjaft, do të bëj diçka tjetër”.
