Ministrja e Punëve të Jashtme dhe Diasporës, Meliza Haradinaj-Stublla tha të mërkurën se presidenti serb Aleksandar Vuçiq nuk do të lejohej të vizitonte vendin derisa të kërkonte falje për “gjenocidin” ndaj popullsisë së Kosovës, shkruan Gazeta botërore “Washington Post”, transmeton Gazeta Sinjali.

Haradinaj-Stublla gjithashtu postoi në Twitter se asnjë leje për hyrje nuk do t’u jepej zyrtarëve serbë derisa serbët të mbaheshin përgjegjës për “gjenocidin” në një gjykatë ndërkombëtare.

“Përsëris edhe një herë përgjigjen e vetme dhe të përhershme për të gjitha kërkesat e ardhshme nga Vuçiq dhe të tjerët: nuk ka leje që ju të vizitoni Kosovën nëse nuk kërkoni falje për gjenocidin e kryer mbi popullin tonë dhe derisa personat përgjegjës të këtij gjenocidi të mbahen përgjegjës”, tha ajo.

“Vuçiq dhe zyrtarë të tjerë serbë duhet të kërkojnë lejen e Kosovës para se të vizitojnë zonat e pakicës serbe etnike në ish-provincën serbe”, raporton mediumi amerikan.

“Lufta e Kosovës 1998-99, e cila përfundoi pas një fushate ajrore 78-ditore të NATO-s, la të vdekur më shumë se 10,000 njerëz, kryesisht shqiptarë etnikë”, shkruan Washington Post.

Haradinaj-Stublla reagoi pas pranisë së Vuçiqit në përurimin e një spitali në Beograd, ku u gjet një varr masiv prej 744 shqiptarësh etnikë të vrarë në 1999.

Disa varre masive me trupat e shqiptarëve të Kosovës të vrarë nga trupat serbe gjatë luftës 1998-99 janë zbuluar në pjesë të ndryshme të Serbisë. Zhvendosja e viktimave nga Kosova në Serbi ishte pjesë e një operacioni mbulues nga autoritetet serbe në atë kohë për të provuar të fshehin të dhënat e krimeve të luftës.

Javën e kaluar misioni i Bashkimit Evropian për të siguruar sundimin e ligjit në Kosovë tha se mbetjet njerëzore që duket të jenë një varr masiv i shqiptarëve etnikë nga Kosova ,janë gjetur në një minierë të papërdorur të qymyrit në Kizhevak në Serbinë e Jugut.

Vuçiq tha të martën se Haradinaj-Stublla kishte kërkuar të ishte i pranishëm në punimet e Kizevak “për të krijuar një shfaqje politike”.

Megjithëse disa nga oficerët e saj të lartë ushtarakë janë dënuar nga një gjykatë e KB-së për krime lufte gjatë luftës 1998-99, Serbia kurrë nuk ka pranuar të ketë kryer mizori në ish-provincën e saj.

“Ndërkohë, një gjykatë ndërkombëtare me seli në Hagë, Holandë ka treguar dhe arrestuar me dyshimin e krimeve të luftës dhe krimeve kundër njerëzimit ish-presidentin e Kosovës dhe katër ish-komandantë të tjerë të lartë të guerileve shqiptarë etnikë që luftuan për pavarësi nga Serbia”, shkruan tutje Washington Post.

Javën e kaluar Vuçiq kërkoi të vizitojë Kosovën por iu refuzua leja nga Prishtina.

Marrëdhëniet Kosovë-Serbi mbeten të tensionuara pavarësisht bisedimeve të ndërmjetësuara nga BE për normalizimin e lidhjeve dhe përpjekjeve të tyre gjithashtu nga Shtetet e Bashkuara.

Kosova shpalli pavarësinë nga Serbia në 2008, por Serbia nuk e ka njohur atë. /Gazeta Sinjali/