Presidenti i Serbisë, Aleksandar Vuçiq ka thënë se Serbia është e gatshme për dialog dhe kompromis në zgjidhjen e çështjeve rajonale, përfshirë dialogun me Kosovën, shkruan Gazeta Sinjali.

Këto komente, Vuçiq i bëri sot gjatë një bisede me shefen e Zyrës së Organizatës së Kombeve të Bashkuara në Beograd, Marie Yamashit.

Vuçiq tha se Serbia është e përkushtuar për paqe dhe stabilitet në rajon.

“Puna e Zyrës së saj është shumë e rëndësishme, duke pasur parasysh se është një lidhje me Misionin e OKB-së në Kosovë dhe Metohi”, tha Vuçiq.

Ai theksoi se Serbia i kushton një rëndësi të madhe punës së UNMIK-ut.

“Bazuar në Rezolutën 1244 të Këshillit të Sigurimit të OKB-së nga 1999, është garantuesi i statusit të neutralitetit të pranisë ndërkombëtare në Kosovë dhe Metohi”, tha Vuçiq./Gazeta Sinjali/