Presidenti i Serbisë, Aleksandar Vuçiq po pretendon se e di në imtësi planin e shqiptarëve për të dominuar në Ballkan.

Në një intervistë për gazetën franceze “Figaro”, Vuçiq e ka

“Ata kanë krijuar interesa të reja kombëtare që synojnë mbizotërimin në Ballkan. Kështu, 28 Nëntori është festa kombëtare e Shqipërisë, dhe Kurti ka paralajmëruar tashmë një marshim të madh drejt Tiranës duke sulmuar Edi Ramën pasi Kurti kundërshton politikën e bashkëpunimit në Ballkan, politikë e mbështetur nga Kryeministri shqiptar ” tha presidenti serb.

Për ‘Shqipërinë e Madhe’, Vuçiq tha:

“Ata thjesht e dëshirojnë. Ndonjëherë ata do të thoshin se do të bashkoheshin nën çatinë e BE-së, por kurrë nuk kanë hequr dorë nga ajo ide. Shikoni Albin Kurtin që fitoi zgjedhjet. Pas tij nuk ka asnjë flamur të Kosovës por vetëm të Shqipërisë. Të gjithë ambasadorët ulën në atë ambient me të dhe nuk shqetësohen aspak,” tha Vuçiq.

Duke folur për mini-shengenin ballkanik, Vuçiç shprehet shumë i lumtur që merr pjesë.

“Unë i jam mirënjohës kryeministrit shqiptar Edi Rama dhe atij të Maqedonisë së Veriut, Zoran Zaev që iniciuan bashkë me mua projektin e Mini Schengen-it, i cili ka si synim lëvizjen e lirë mes vendeve të Ballkanit” tha Vuçiq.

I pyetur për takimin e fundit me presidentin e Kosovës Hashim Thaçin, i organizuar nga kreu i shtetit të Francës Emanuel Macron, Vuçiq tha se nuk ishte person tejet optimist.

“Ne vazhdimisht po përpiqeshim të gjenim një zgjidhje kompromisi, por pala e Prishtinës nuk shqetësohej aspak, sepse vetëm dëshiron të apelojë opinionin e saj publik. Ata duan që Serbia të njohë pavarësinë e Kosovës, dhe si kthim Serbia nuk do merrte asgjë,” tha Vuçiq.

I pyetur se nëse i qëndron ende idesë së shkëmbimit të territoreve, Vuçiq u përgjigj me “Jo”.