Një 22 vjeçar nga Kosova u vra mëngjesin e sotëm gjatë një plaçkitje të armatosur në një kazino në rr. ‘Magjistralja e Adriatikut’ në Shkup, raporton Gazeta Sinjali.

Kjo u bë e ditur përmes një njoftimi nga Ministria e Punëve të Brendshme të Maqedonisë së Veriut.

“Më 15 shkurt të vitit 2020, në ora 04:47 të SPB Shkup, u denoncua se katër persona të armatosur kanë hynë në kazino në rr. ‘Magjistralja e Adriatikut’ në Shkup dhe kanë filluar të qëllonin ndaj të pranishmëve, duke goditur V.H. (22) nga Kosova, i cili ka vdekur në vendngjarje. Ndërsa, sipas denoncimit, B.N. (20) nga fshati Krushopek, Shkup, i angazhuar si sigurim privat në kazino, është goditur në kokë me kondak, pas së cilës ka ndërruar jetë. Sipas raportit, e kanë marrë qarkullimin ditor dhe janë larguar”, njofton Ministria e Brendshme maqedonase.

Ekspertizë në vendngjarje ka kryer ekipi i SPB Shkup dhe ndërmerren masa për gjetjen e kryerësve dhe për zbardhjen e rastit./Gazeta Sinjali/