Konsiderohet si një nga komponentët kryesor në vrasjen e Presidentit Jovenel Moïse , arrestohet biznesmen haitian që jeton në Florida.

Sulmi ndodhi në 7 korrik, kur persona të armatosur hynë në shtëpinë e presidentit në Port-au-Prince, duke e qëlluar për vdekje dhe duke plagosur gruan e tij. Moïse, 53 vjeç,  ndodhet në spital.

Autoritetet në Haiti kanë publikuar detajet e biznesmenit të dyshuar.

Ai është Christian Emanuel Shannon, 62 vjeç, vite më parë ai  ka shprehur dëshirën për të udhëhequr vendin nëpërmjet një video në YouTube.

Një mik i Shannon, i cili kërkoi të mbetet anonim për arsye sigurie, i tha Associated Press se  62-vjeçari është pastor ungjillor protestant me diplomë mjekësore në Haiti dhe licencë për të ushtruar profesionin, por jo në Shtetet e Bashkuara, ku ai jeton.

Shefi i Policisë Port-au-Prince Leon Charles thotë se ekzekutorët e Presidentit Moise po mbrojnë Pastor Shannon dhe nuk po flasin për të, pasi vetë policia akuzon ungjillistin për komplot kundër presidentit të Haitit.

Shefi i policisë gjithashtu tha se janë  gjetur një kapelë me stemën e shërbimit të njohur amerikan DEA, 20 kuti fishekësh, katër targa të një automjeti nga Saint Dominic dhe dy makina. Të gjitha këto , sipas autoriteteve vendase janë gjetur  në shtëpinë e Pastor Shannon në Haiti.

Kreu i policisë haitiane, Charles, zbulon se pastori ungjillor Shannon, i cili jeton në Florida, ishte në kontakt me kompaninë e sigurisë, e cila rekrutoi dhe më pas siguroi lëvizjen e mercenarëve që vranë Presidentin Moise.

Përveç kësaj, duket se Shannon, pastori protestant, vizitoi Haitin qershorin e kaluar me avion privat. Ai shoqërohej nga disa prej mercenarëve të arrestuar për vrasjen e presidentit.

Sipas policisë haitiane, çështja e komplotit kundër presidentit filloi në thelb kur pastori  protestant udhëtoi nga Florida në Haiti me avion privat. /GazetaSinjali/