Kryetari i Aleancës Kosova e Re, Behgjet Pacolli, ka marrë pjesë në inaugurimin e presidentit të ri të Kenyas, William Smoei Ruto.
Por, në këtë inaugurim, që ishte i pranishëm edhe Pacolli u lënduan së paku 60 veta, pasi një turmë e madhe hynë me forcë në stadiumin e mbushur plot. Sipas agjencisë së lajmeve, AP News, njerëzit u përpoqën të shmangnin forcat e sigurisë me shkopinj.
Madje, sipas raportimeve një gardh i madh ra mbi të pranishmit, kjo pasi njerëzit që hynë me forcë e shtynë atë.
Ndryshe, William Ruto u betua si president i Kenias, të martën pasi fitoi zgjedhjet e 9 gushtit në demokracinë më të qëndrueshme të Afrikës Lindore.
55-vjeçari Ruto kishte qenë zëvendës i presidentit në largim, Uhuru Kenyatta, por pas një mosmarrëveshje, të dy nuk flisnin me njëri-tjetrin për disa muaj.
Sot, kur Kenyatta ia dorëzoi pushtetin Rutos, ata i shtrënguan duart me njër-tjetrin, kjo i pëlqeu publikut shumë, sa që filluan të brohoriturat në stadium.
