Shërbimi Korrektues i Kosovës ka njoftuar se H.B. që ishte duke u mbajtur në Burgun e Dubravës, për veprën penale ‘vrasje’, ka ndërruar jetë mbrëmë në Spitalin e Pejës ku ishte dërguar për trajtim.
I burgosuri ishte 78 vjeçar dhe sipas SHKK-së vuante nga hipertensioni arterial, raporton Gazeta Sinjali.
Njoftimi i plotë i SHKK-së
Në Spitalin Rajonal të Pejës vdes një i burgosur
Shërbimi Korrektues i Kosovës, njofton opinionin publik se mbrëmë rreth orës 23:30 në Spitalin Rajonal të Pejës, ka ndërruar jetë i burgosuri me inicialet H.B, viti i lindjes 1942.
I burgosuri, rreth orës 16:50 me rekomandim të mjekut të Q.K Dubravë është dërguar në Spitalin Rajonal të Pejës, ku përkundër ofrimit të ndihmës mjekësore në Repartin e Kirurgjisë, i njëjti ka ndërruar jetë.
H.B po vuante nga hipertensioni arterial për çka edhe po trajtohej në vazhdimësi nga mjekët e institucioneve korrektuese.
I njëjti ishte i dënuar për Veprën Penale; Vrasje.
Organet kompetente janë duke i zhvilluar procedurat ligjore, ndërsa autopsia do të verifikoi shkakun e vdekjes.
