Gazeta Sinjali raportoi ekskluzivisht se Inspektorati Policor i Kosovës sot rreth orës 06:30 kanë kryer një aksion në stacionin policor – Jugu, me ç’rast ka arrestuar disa zyrtarë policorë.

Ky aksion i IPK-së, Sinjali mëson se ështu duke vazhduar edhe në lagjen “Taslixhe” të Prishtinës, më saktësisht në shtëpinë e zyrtarit policor, Bedri Januzi dhe sinjalizues të gazetës bëjnë me dije se shtëpia është rrethuar nga pjesëtarë të Njësisë Speciale të Republikës së Kosovës dhe zyrtarë të IPK-së.

Kjo bastisje po bëhet me urdhër të Gjykatës Themelore në Prishtinë, Departamenti i Krimeve të Rënda, Inspektorati Policor, të asistuar nga NjRSH.

Sinjali mëson se arsyeja e arrestimit të Januzit dhe zyrtarëve të tjerë policorë është dyshimi se të njëjtit kanë kryer veprat penale “Keqpërdorim të pozitës zyrtare”, “keqtrajtim gjatë ushtrimit të detyrës”, “falsifikim i dokumenteve zyrtare”, “pengim i të provuarit”, “marrje ryshfeti” dhe vepra të tjera.

Gazeta Sinjali do të ju mbajë të informuar me detaje të reja nga ky aksion…

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata. /Gazeta Sinjali/