Mali i Zi nuk ka arritur më shumë se barazimi 0:0 me Bullgarinë, rezultat ky që të dyja kombëtaret i largon edhe më shumë nga lufta për kualifikim në Euro 2020, pasi pas 6 ndeshjeve të zhvilluara i kanë nga vetëm 3 pikë.

Pikërisht Mali i Zi është rival i ardhshëm i Kosovës, ndeshja ndërmjet të cilave zhvillohet të hënën në stadiumin “Fadil Vokrri” në Prishtinë.

Trajneri i Malit të Zi, Faruk Hadzibegic ka paralajmëruar angazhim maksimal në Prishtinë dhe nuk e ka fshehur synimin për fitore.

“Nuk do të dorëzohemi, do të synojmë fitore, ashtu siç synuam sonte dhe siç do të synojmë në çdo ndeshje”, ka thënë Hadzibegic, duke shtuar se do të ketë ndryshime në formacionin e së hënës në krahasim me atë që luajti sonte kundër bullgarëve./Gazeta Sinjali/