Arsenali do ta vizitojë sot skuadrën e Leicester Cityt, në duelin e xhiros së 24-të të Premier League.
‘Topçinjtë’ i dhanë fund një mini-krize prej tre ndeshjeve pa fitore në kampionat, duke fituar në një triller ndaj Aston Villas 4-2 në udhëtim fundjavën që shkoi, duke rikthyer pozitën e parë në tabelë pas barazimit të Man Cityt ndaj Forest.
Leicester City ndërkohë u mposht me rezultat 3-0 si mysafir ndaj Manchester United ku ndodhet në pozitën e 14-të me 24 pikë.
Të rejat nga lëndimet
James Maddison i Leicesterit, i cili ka pasur një dëmtim në gju, do të vlerësohet përpara ndeshjes.
Mbrojtësit Ryan Bertrand dhe Jonny Evans mbeten jashtë me lëndime përkatëse në gju dhe në kofshë.
Golashënuesi më i mirë i Arsenalit, Bukayo Saka, është i disponueshëm dhe mesfushori Thomas Partey, i cili ka humbur dy ndeshjet e fundit me një problem në kofshë, do të vlerësohet.
Gabriel Jesus po bën përparim të mirë pas dëmtimit të gjurit në Kupën e Botës, por është ende shumë shpejt për një rikthim.
Statistika kokë-më-kokë
- Leicester mund të humbasë pesë ndeshje radhazi në ligë kundër Arsenalit për herë të parë në 91 vjet.
- Arsenali po konkurron për të fituar tre ndeshje radhazi si mysafir kundër ‘Dhelprave’ për herë të parë që nga viti 1925.
- ‘Topçinjtë’ kanë fituar secilën nga tre ndeshjet e fundit si mysafir kundër Leicesterit në të gjitha garat.
Leicester City
- Leicester ka fituar vetëm 12 pikë nga 33 të mundshme në shtëpi këtë sezon – vetëm skuadra e fundit Southampton ka një rekord më të keq në Premier League.
- ‘Dhelprat’ kanë shënuar 23 gola në pjesën e parë këtë sezon, por kanë pranuar 23 gola në ligë në pjesën e dytë.
- Skuadra e Brendan Rodgers është skuadra e vetme që nuk e ka mbajtur portën e paprekur në Premier League që nga Kupa e Botës.
- Leicester ka humbur pesë ndeshje në Premier League pasi kanë qenë në avantazh këtë sezon, më shumë se çdo skuadër tjetër.
- Jamie Vardy ka shënuar një rekord prej 11 golave në karrierë në Premier League kundër Arsenalit. Megjithatë, ai ka shënuar vetëm një herë në 23 paraqitje në ligë këtë sezon.
Arsenali
- Arsenali ka fituar pesë nga gjashtë ndeshjet e fundit si mysafir në Premier League.
- ‘Topçinjtë’ kanë rekordin më të mirë si mysafir në ligë këtë sezon – numri i tyre prej 28 pikësh është shtatë më shumë se çdo ekip tjetër.
- Arsenali ka arritur tashmë shifrën përfundimtare të sezonit të kaluar prej nëntë fitoresh si mysafir në Premier League.
- Ata kanë pranuar golin e hapës në katër nga pesë ndeshjet e fundit të ligës.
- Fitorja ndaj Aston Villa fundjavën e kaluar ishte ndeshja e katërt në ligë këtë sezon që ata e kanë fituar pasi kanë qenë disavantazh – asnjë palë nuk ka ecur më mirë.
- Bukayo Saka është përfshirë në 49 gola në Premier League për Arsenalin, me 26 gola dhe 23 asistime. 21-vjeçari mund të bëhet lojtari më i ri që arrin 50 gola që nga Cesc Fabregas në 2008.
Formacionet e mundshme – FOTO
Parashikim i ndeshjes: 1-3
