Një person ka mbetur i plagosur nga një mjet i mprehtë pas një përleshjeje fizike që ka ndodhur sot në lagjen Ulpiana në Prishtinë.
Në përleshje sipas Policisë janë të përfshirë disa të mitur, shkruan Gazeta Sinjali.
“Sot rreth orës 14 :00, kemi marrë informatën se lagjen Ulpiana në Prishtinë, ka ndodhur një përleshje fizike në mes të disa personave (të mitur). Bazuar në të dhënat fillestare, në këtë rast nga një mjet i mprehtë është plagosur një person. I njëjti është dërguar për trajtim mjekësor. Hetuesit policor kanë nisur një hetim lidhur me rrethanat e këtij rasti”, ka thënë për Sinjalin zëdhënësja e Policisë për Rajonin e Prishtinës, Flora Ahmeti.
