Territori amerikan i Porto Rikos është goditur nga një tërmet i fuqishëm, i magnitudës 6.0 të shkallës Rihter.

Epiqendra e tërmetit ishte në det, 80 kilometra në veri të qytetit San Antonio dhe lëvizjet u krijuan rreth 10 kilometra në thellësi të tokës.

Autoritetet vendase thanë se pavarësisht shkallës së lartë, nuk ka pasur raportime për dëme të rënda dhe as rrezik për cunami.

Vendi ishte duke u përgatitur për përmbytje që priten të shkaktohen së shpejti nga stuhia Karen.