image Telekomi reagon pasi Devollët filluan tërheqjen e parave: U rrezikua siguria kombëtare

Kosovë

Telekomi reagon pasi Devollët filluan tërheqjen e parave: U rrezikua siguria kombëtare

news image

Telekomi i Kosovës ka reaguar përmes një komunikate për media, pasi kompania Dardafon ka filluar që të zbrasë llogarinë e kësaj ndërmarrje publike, shkruan Gazeta Sinjali.

Përmes një komunikate për media, Telekomi ka deklaruar se me këtë veprim është rrezikuar siguria kombëtare, ndërsa ka kërkuar urgjentisht nga qeveria që të reagojë dhe të zgjidh këtë problem.

“Me këtë veprim janë rrezikuar në tërësi të gjitha shërbimet tona, duke pëfshirë edhe të gjitha shërbimet e institucioneve të sigurisë së vendit. Pra, përveq tjerash, me këtë veprim është rrezikuar siguria kombëtare. Kërkojmë urgjentisht nga qeveria që të reagojë dhe zgjidh këtë çështje”, thuhet në komunikatë.

Komunikata e plotë pa ndërhyrje:

Telekomi i Kosovës goditet për herë të dytë nga Dardafon me zbrazje të llogarisë. Gjatë kësaj periudhe Qeveria e Kosovës ka zhvilluara takime intenzive për ta bindur Dardafon që të nënshkruaj marrëveshje për të cilen tashmë ishin dakorduar në prani të Kryeministrit dhe Ministrit të Ekonomisë dhe Ambientit.

Marrëveshja ishte që pagesa të bëhet në afat prej 24 mujash, por si duket në fund nuk arritën ta bind Dardafonin për nënshkrim të marrëveshjes ku këta fillimisht kanë bllokuar llogaritë, ndërsa sot edhe i zbrazen.

Me zbrazjen e sotme të llogarisë Dardafon fillimisht ka lënë pa paga 2.300 punëtor të Telekomit dhe më shumë se 1000 të Postës së Kosovës. Telekomi në këtë rast ka qen i pafuqishëm që të marr çfardo vendimi që do ta parandalonte një gjë të tillë.

Me këtë veprim janë rrezikuar në tërësi të gjitha shërbimet tona, duke pëfshirë edhe të gjitha shërbimet e institucioneve të sigurisë së vendit. Pra përveq tjerash me këtë veprim është rrezikuar siguria kombëtare. Kërkojm urgjentisht nga qeveria që të reagoj dhe zgjidh këtë çështje.

/Gazeta Sinjali/