Në adresë të Gazetës Sinjali po vazhdojnë të denoncohen rastet për kundërvajtje në trafik dhe e gjithë kjo po bëhet me qëllim të evidentimit të kundërvajtësve, e sidomos të parandalimit të aksidenteve që shpeshherë po rezultojnë të jenë me fatalitet.

Një sinjalizues ka dërguar një video ku shihet se si një veturë bën një tejkalim të rrezikshëm, në vijë të plotë, duke kaluar dy kamionë njëherësh dhe duke rrezikuar dy vetura, të cilat po i vinin përballë.

Sinjalizuesi ka treguar se ky tejkalim i rrezikshëm ka ndodhur sot në magjistralen Pejë-Prishtinë, rreth orës 10 të mëngjesit.

Vazhdoni të denonconi kundërvajtjet në Gazetën Sinjali, në mënyrë që të kontribuojmë sadopak në uljen e aksidenteve që shpeshherë marrin jetën e njerëzve të pafajshëm. /Gazeta Sinjali/