Përfaqësuesi i kompanisë “Frigo Food”, e cila ka ekskluzivitetin e importimit të produkteve “Wudy” në Shqipëri, Sokol Meqemeja, ka reaguar një ditë pas vendimit për tërheqje, duke theksuar se të gjitha produktet “Wudy” janë të sigurta.
Gjatë një deklarate për mediat, Meqemeja, iuofroi siguri qytetarëve, ndryshe nga sa deklaroi AKU, duke thënë se asnjë produkt i “Wudy” nuk është i rrezikshëm, përcjell Sinjali.
Po ashtu, tha se ato mund të përdoren pa asnjë problem, duke respektuar në çdo rast shënimet përkatëse në etiketën e produktit.
Për të dëshmuar sigurinë e këtyre produkteve ai konsumoi live një salsiçe “Wudy”.
“Përtej dokumentave zyrtare, kompania ‘Frigo Food’ mund të japë edhe një garanci të shtuar për qytetarët dhe klientët e saj mbi cilësinë maksimale të produktit “Wudy që gjendet në tregun shqiptar. Unë personalisht, këtu përpara Jush, do të konsumoj produkte “Wudy”, për të dëshmuar në vetë të parë se cilësia e tyre është e garantuar”, theksoi ai.
