Sigal Prishtina është mposhtur sonte nga Medi Bayreuth me rezultat përfundimtar 97:89.
Dardan Berisha ishte lojtari më i miri te Prishtina me 30 pikë dhe shtatë asistime, derisa pikë dyshifrore shënuan edhe Fahro Alihoxhiq 15 pikë e 15 kërcime, Divine Myles 14 dhe Mikaile Tmusiq 11. Ndërsa te skuadra gjermane u dallua James Alexander Woodard, i cili shënoi 17 pikë.
Prishtina ka një fitore dhe një humbje në Grupin C të FIBA Europe Cup, derisa ndeshjen e ardhshme e zhvillon ndaj Ventspils, më 6 nëntor./Gazeta Sinjali/
