Heqja e depozitave dhjamore në bark mund të jetë shumë e vështirë, por nuk është e pamundur.
Ka metoda të shumta me ndihmën e të cilave mund të arrihet një bark i sheshtë, si vrapimi dhe ushtrimet, por ka disa mënyra të tjera që do t’ju ndihmojnë në këtë proces.
Aktiviteti i rregullt nuk është i mirë vetëm për shëndetin fizik, por ka përfitime të shumta edhe për shëndetin mendor. Megjithatë, për të arritur një bark të sheshtë, duhet të përfshini edhe disa shprehi të tjera ushqimore.
Merrni më shumë fibra
Konsumimi i fibrave është thelbësor për trupin tonë, sepse ndihemi më të ngopur për një kohë më të gjatë dhe gjithashtu na duhen për funksionimin e duhur të zorrëve. Përveç kësaj, ushqimet e pasura me fibra janë kryesisht me pak kalori, ndaj preferohet të konsumohen në sasi më të mëdha.
Rritni marrjen e proteinave
Marrja e proteinave është gjithashtu e rëndësishme, sepse ndërton dhe ruan masën e muskujve, si dhe ndihmon në ruajtjen e ngopjes. Rekomandohet marrja e proteinave përmes ushqimeve, si vezët, mishi i pulës, gjelit të detit dhe viçit, por nuk është ide e keqe të rrisni marrjen e proteinave edhe në formë pluhuri.
Merrni më shumë yndyra të shëndetshme
Yndyrat janë të larta në kalori, por edhe të nevojshme për trupin tonë. Prandaj rekomandohet t’i hani në sasi të vogla dhe t’i zgjidhni ato ushqime që përmbajnë acide yndyrore mono të pangopura. Ky grup përfshin ushqime të tilla si vaji i ullirit, arrat, gjalpi i kikirikut, avokadot dhe vezët.
Njihni ndjeshmërinë ndaj ushqimit
Ndjeshmëritë ndaj ushqimit mund të shkaktojnë fryrje dhe kapsllëk, duke e bërë stomakun tuaj të duket më i madh. Kushtojini vëmendje kur konsumoni ushqim për të ditur se cilat ushqime nuk mund t’i tolerojë organizmi juaj. Ky grup ushqimesh zakonisht përfshin produktet e qumështit, vezët dhe glutenin.
