Një aksident trafiku ka ndodhur sot në aksin nacional Korçë-Pogradec, ku një shleper është përplasur me një veturë.

Aksidenti ka ndodhur në afërsi të fshatit Petrushë, shleperi është përplasur me një veturë me targa greke.

Burime për TopChannel bëjnë me dije se dyshohet se në mënyrë tragjike ka ndërruar jetë drejtuesi i veturës, identiteti i të cilit është ende i paidentifikuar.

Policia ka mbërritur menjëherë në vendin e ngjarjes dhe po heton për zbardhjen e rrethanave të këtij aksidenti./Topchannel