Një numër i madh i serbëve të Kosovës janë mbledhur sot para vendvotimeve ku votojnë çdo herë, për referendumin e Serbisë, i cili nuk u lejua të mbahet.
Tubime të tilla për të votuar, pati edhe në qytetin e Klinës, ku policia u kërkoi serbëve që të shpërndahen nga vendi i ngjarjes.
Qytetarët u mblodhën kështu edhe në Mitrovicën e Veriut, Shtërpcë, Graçanicë, Pasjan, Anamoravë dhe Gorazhdevc.
Kuvendi i Kosovës dje e ka miratuar një rezolutë e cila nuk e lejon organizimin e referendumit për ndryshime kushtetuese të Serbisë, shkruan Kosovonline.
