Deklarata e kancelarit të Gjermanisë, Olaf Scholz, e dhënë në Prishtinë, se dialogu në mes të Kosovës dhe Serbisë duhet të zgjidh edhe punën e njohjes së Kosovës ka nxitur reagime të mëdha, ndërkohë në Beograd kanë reaguar të zemëruar.
Ish-përfaqësuesi i Bashkimit Evropian për Kosovën, Wolfgang Ischinger, ka thënë se një deklaratë e tillë e Scholz është për t’u duartroktiur.
Diplomati gjerman ka thënë se një gjuhë e tillë e qartë drejt Serbisë është për t’u vlerësuar, derisa shton se do të ishte e dobishme nëse të gjitha shtetet anëtare të BE-së do ta njihin pavarësinë e Kosovës.
Ischinger thotë se ende ka shumë punë për t’u bërë.
“Bravo kancelari Scholz.: Gjuhë e qartë për Beogradin për temën e njohjes së Kosovës nga Serbia! Megjithatë, do të ishte e dobishme nëse të gjithë anëtarët e BE-së do ta njihnin Kosovën së pari: ka ende shumë për të bërë!”, ka thënë Ischinger.
