Agjencia e Statistikave të Kosovës (ASK), njofton se është rritur numri i vizitorëve që kanë vizituar Kosovën.
Sipas këtyre statistikave, bëhet e ditur se në gusht numri i vizitorëve të huaj dhe vendorë ishte 71,232.
“Në gusht 2023, numri i vizitorëve (vendorë dhe të huaj) ishte 71, 232, prej tyre 35,83%, ishin vendorë dhe 64,17% ishin të jashtëm. Krahasuar me muajin gusht të vitit 2022 (sa ishin 60 952vizitorë) kishte rritje të numrit të përgjithshëm të vizitorëve për 16,7%”, njofton ASK-ja.
Numri i net-qëndrimeve ishte 166, 377, prej tyre 44,05% nga vendorët dhe 55,95% nga të huajt. Numrin më të madh të vizitorëve te brendshëm e ka rajoni i Pejë me 8 036 vizitorë dhe 35 149 net-qëndrime.
“Sa u përket vizitorëve të huaj, krahasuar me periudhën paraprake (gusht 2022) ka rritje të vizitorëve për 6,37%. Në total 45 711 vizitorë të huaj, nga të cilët numri më i madh është nga: Gjermania, Shqipëria, Zvicra etj”, thuhet në komunikatën e ASK-së.
