Mosmarrëveshjet mes qytetarëve shpesh herë përcillen me ofendime e të shara kundrejt njëri-tjetrit. Në raste të caktuara, situata eskalon edhe në dhunë fizike mes tyre, duke u dashur me doemos ndërhyrja e Policisë për të zgjidhur problemet, raporton Gazeta Sinjali.
Si pasojë e një rrahje që ndodhi në orët e hershme të mëngjesit në pompën e derivateve ‘HIB Petrol’ në rrugën ‘Zahir Pajaziti’ në Pejë, një person ka përfunduar në spital.
Burimet e Gazetës Sinjali brenda Emergjencës së Spitalit Rajonal në Pejë kanë bërë me dije se 28-vjeçari është dërguar atje me lëndime të dukshme në kokë, të cilat dyshohet se ia shkaktoi një 25-vjeçar.
Lidhur me rastin është njoftuar edhe Policia, të cilët kanë dalë në vendin e ngjarjes dhe kanë arritur që të arrestojnë personin e dyshuar.
25-vjeçari është shoqëruar në stacion policor ku është intervistuar nga hetuesit dhe ndaj tij është iniciuar rasti ‘Lëndim i lehtë trupor’.
Me urdhër të prokurorit, i dyshuari është dërguar në mbajtje për 48 orë.
