Cristiano Ronaldo ka fituar çmimin e lojtarit më të mirë të muajit prill në Premier Ligë.
Portugezi fitoi çmimin pasi shënoi pesë gola në katër ndeshje përgjatë këtij muaji.
Me këtë çmim, 37-vjeçari ka bërë histori me Manchester United, duke e fituar tani më shumë herë se çdo lojtar tjetër në histori të klubit.
Portugezi e ka fituar tani gjashtë herë çmimin e lojtarit të muajit në Premier Ligë, duke e tejkaluar Wayne Rooneyn i cili e mbante primatin me më së shumti çmime të lojtarit të muajit nga lojtarët e Manchester United (5).
