Legjenda e Brazilit, Ronaldinho ka sugjeruar lojtarin që duhet të fitojë Topin e Artë këtë vit.
Ronaldinho tha se dëshiron që sulmuesi i Real Madridit, Karim Benzema të fitojë shumë vlerësime individuale në të ardhmen, me francezin që është favoriti kryesor për të marrë Topin e Artë të vitit 2022.
“Unë e dua [Karim] Benzeman”, tha Ronaldinho për RMC Sport.
“Ai është një lojtar me cilësi të jashtëzakonshme. Dhe kjo nuk është vetëm sot, po vazhdon për një kohë të gjatë.
“Këtë sezon, gjërat po shkojnë shumë mirë për të. Shpresoj që ai të fitojë sa më shumë tituj individualë”, deklaroi Ronaldinho.
Benzema ka qenë brilant për Real Madridin deri më tani këtë sezon.
34-vjeçari, i cili po përmirësohet me kalimin e moshës, tani ka shënuar 44 gola në të gjitha garat për kampionët e La Liga-s, duke tejkaluar totalin e tij më të mirë të mëparshëm prej 32 golave në sezonet 2011/12 dhe 2020/21.
