Roma është gjobitur me një total prej 46,000 euro nga UEFA për sjellje të pahijshme gjatë ndeshjes së dytë gjysmëfinale të Konferencës së Evropës kundër Leicester Cityt.
Giallorossi fituan ndeshjen 1-0 përmes një goli të Tammy Abraham për të arritur në finalen e tyre të parë evropiane që nga viti 1984, ku mundën Feyenoord 1-0.
UEFA publikoi arsyet e dënimit:
Roma mori një gjobë prej 20 mijë eurosh për hedhjen e sendeve, një gjobë tjetë prej 18 mijë eurosh për ndezjen e fishekzjarreve si dhe një prej 8 mijë eurosh për bllokimin e shkallëve.
Kundërshtarët e Romës, Leicester, u gjobitën gjithashtu me 20,000 euro për hedhjen e objekteve dhe 4,000 euro për ndezjen e fishekzjarreve.
Giallorossi janë gjithashtu nën hetim për sjellje josportive gjatë paradës së tyre me autobus të hapur pas fitores.
Roma fitoi trofeun e parë evropian që nga viti 1961 falë golit të Nicolo Zaniolo në pjesën e parë në fitoren ndaj Feyenoord në Tiranë.
Ishte sezoni i parë i Ligës së Konferencës dhe sezoni i kaluar në vendin e gjashtë siguroi që Roma do të ishte në Ligën e Evropës për sezonin 2022-23.
