Kryetari i Degës së Lidhjes Demokratike të Kosovës në Prizren, Anton Quni, ka thënë se arsyeja e prishjes së këtij koalicioni është vendimi i kryetarit, Mytaher Haskukës, për të vazhduar të vetëm.

Kjo pasi që, kryetari Haskuka, sipas tij, nuk e ka respektuar kërkesën e LDK-së për ndarjen e përgjegjësive të partnerëve dhe koordinimin për zgjedhjen e kryekuvendarit.

“Kemi kërkuar nga partneri ynë që të bëjmë shpërndarjen e përgjegjësisë, me bindjen se kjo do ta rriste performancën dhe efikasitetin e shërbimeve karshi qytetarëve prizrenas. Ne konsiderojmë që koncetrimi i pushtetit tek njëri partner, nuk është praktikë e mirë në demokraci. Mosgatishmëria për ti dhënë zgjidhje kërkesës tonë, ka rezultuar me pamundësi për koordinim për zgjedhjen e kryesuesit të ri të Kuvendit Komunal”, ka shkruar Quni në Facebook.

Quni ka thënë se Haskuku, ‘fitorja e të cilit u vulos nga LDK-ja’, vendosi që të vazhdojë rrugën pa LDK-në.

Prishja e koalicionit LDK-LVV në Prizren erdhi pas zgjedhjes së Sulltan Badallit të PDK  në krye të Kuvendit Komunal./Gazeta Sinjali/