image Protestë para Komunës së Prishtinës, banorët e disa fshatrave kërkojnë transport publik - Sinjali

COVID-19

Të infektuar

97.996

Të shëruar

82.064

Të vdekur

1.988

Protestë para Komunës së Prishtinës, banorët e disa fshatrave kërkojnë transport publik

news image

Banorët e Prapashticës dhe disa fshatrave të tjera kanë protestuar para objektit të Komunës së Prishtinës.

Ata po kërkojnë që Komuna t’u mundësojë transport publik.

Sipas tyre, ndonëse ndodhen shumë afër kryeqytetit, këto fshatra nuk kanë transport të rregullt dhe se po u vështirësohet qarkullimi.

Asllan Bekteshi, mësues në Shkollën Fillore “Azem Salihu”, në Gllogivicë tha që kanë bërë ankesa disa herë, por nuk kanë marrë përgjigje, duke shtuar se presin zgjidhje nga kryetari Shpend Ahmeti.  

“Gati një vit jemi pa transport publik, dhe na ka shkaktuar probleme sidomos për nxënësit e shkollave por edhe për punëtorët që janë detyruar me ndërprerë punën si pasojë e transportit”, tha Bekteshi.

Tutje ai tha që nëse nuk realizohen kërkesat e tyre nuk do ndalen me protesta.

Kurse Enes Ibrahimi, student në Fakultetin e Bujqësisë, tha se e ka të vështirë për të udhëtuar.

“Udhëton shumë kilometra dhe shumë herë kam marrë mungesa si pasojë e (mungesës) së transportit publik”.

Këta banorë të disa prej fshatrave të komunës së Prishtinës thonë se kanë bërë ankesa disa herë dhe për gati një vit janë pa transport./Gazeta Sinjali/


Shpërndaje artikullin