“Big Brother VIP Albania” i erdhi fundi, por me fitoren e Ilir Shaqirit, kanë ardhur dhe shumë krisje mes produksionit të Top Channel dhe vëllezërve, Veshaj.
Së fundmi, kjo përçarje ka prekur edhe prezantuesen e programit Arbana Osmanin dhe aktorin, Donald Veshaj.
Donaldi ka vendosur që të mos e ndjek më në Instagramin e tij Arbanën, ndërkohë që kjo e fundit e ndjek ende aktorin.
Jo vetëm kaq, pasi Donaldi ka fshirë nga Instagrami edhe emisionin që iu bë dhuratë nga produksioni i Top Channel, i titulluar “Më Lër të Flas”.
Këtë emision ai do ta moderonte me vëllain e tij, Romeo Veshaj, por duket se edhe ky i fundit ka hequr dorë nga projekti, duke bërë të njëjtin veprim si Donaldi.
Madje, mbrëmë u bë e ditur se binjakët së bashku me Trixën kishin refuzuar të shkonin në afterparty me ish-banorët e tjerë dhe produksionin.
