Javier Tebas, presidenti i La Ligas, mori pjesë në një event në Madrid për transformimin dixhital të sportit dhe më pas foli për nënshkrimin e mundshëm të Kylian Mbappe nga Real Madrid.
Tebas u befasua që PSG mund të konkurrojë me Madridin për një lojtar të atij kalibri, duke marrë parasysh situatën e tyre ekonomike.
“Unë mendoj se Mbappe do të jetë në Real Madrid, por një ditë ai është i bardhë, një tjetër i zi, ai ndryshon… por unë mendoj kështu”, tha Tebas. “Kam lexuar kaq shumë kthesa kaq shumë herë… Nuk do të ishte e papritur, sepse ka gjithmonë kthesa. Ndjenja që kam është se nëse do të kishte dashur të rinovonte do ta kishte bërë tashmë, por mund të gaboj“, deklaroi ai.
Shifrat e PSG-së për të mbajtur francezin janë të pamundura për pjesën tjetër të klubeve evropiane.
“PSG do ta mbyllë këtë vit me 650 milionë euro paga, me 300 milionë humbje dhe do t’i bëjë ende një ofertë milionerësh Mbappes?”, deklaroi ai.
