Sot fillon zyrtarisht edicioni i ri i Premier Ligës angleze.
Arsenali dhe Crystal Palace do ta hapin kampanjën e edicionit 2022-23, kur do të përballen sonte në “Selhurst Park”, me fillim nga ora 21:00.
‘Gunners’ janë optimist për një sezon shumë më të mirë se ai prarapak, pas disa blerjeve të bëra gjatë kësaj merkato verore.
Londinezët e humbën garën për Top katërshe në xhiron e parafundit sezonin e kaluar, gjersa tani me një ekip më të përforcuar, ata do të kërkojnë ngritjen në tabelë sa më lart.
Crystal Palace mban një rekord mjaft të mirë ndaj Arsenalit ndeshjeve të fundit, ku ka humbur vetëm një nga tetë përballjet e fundit ndaj ‘Gunners’, gjersa sezonin e kaluar njërën e fitoi në shtëpi 3-0, kurse tjetrën e barazoi 2-2 në Emirates.
