Një gazetar i CNN-it është arrestuar gjatë kohës sa ishte duke raportuar drejtpërdrejtë për gazin lotsjellës në Mineapolis.

Gazetari Omar Jimenez ishte duke folur drejtpërdrejtë lidhur me situatën kur policia e arrestoi atë, duke ia vendosur prangat.

Arsyeja e arrestimit të tij është ende e paqartë. Arsyeja kryesore e arrestimit mund të jetë kërkesa e policisë për Jimenez dhe ekipin e televizionit që të zmbrapsen.

Ai është parë duke mbajtur kartën e identifikimit të CNN-it gjatë kohës sa ishte duke raportuar, duke identifikuar vetën si gazetar dhe duke iu thënë oficerëve se do të lëvizin kudo që atyre ju duhet.

“Ne mund të lëvizim prapa kurdo që doni. Ne jemi drejtpërdrejtë këtu, na vendosni ku dëshironi”, ka thënë Jimenez para se të arrestohej./ Gazeta Sinjali/