Policia e Kosovës ka zhvilluar mëngjesin e sotëm një aksion në Pejë, gjatë të cilit ka arrestuar dhe ndaluar një person të dyshuar për veprën penale “Fajde”, raporton Gazeta Sinjali.

Lajmin për Gazetën Sinjali e ka konfirmuar zëdhënësi i Prokurorisë Themelore në Pejë, Shkodran Nikçi, i cili tha se i dyshuari është ndaluar për 48 orë.

“Në lidhje me rastin, ju njoftojmë se fillimisht është arrestuar dhe është ndaluar një person i dyshuar për veprën penale fajde dhe i njëjti është dërguar në ndalim 48 orësh. Janë duke u ndërmarrë të gjitha veprimet e nevojshme në lidhje me veprën penale të lartëcekur”, tha Nikçi./Gazeta Sinjali/