Një aksident trafiku ka ndodhur para pak minutave në qendër të Prishtinës, përball obelisku New Born, shkruan Gazeta Sinjali.
Një sinjalizues e ka dërguar një video nga aksidenti në adresë të gazetës.
Sipas tij, një veturë ka kaluar në vijë të plotë dhe ka goditur veturën tjetër, e cila më pas ka goditur betonin.
Lajmin për Gazetën Sinjali e kanë konfirmuar edhe Policia e Kosovës të cilët kanë thënë se nga ky aksident të lënduar kanë mbetur dy persona.
“Sot rreth orës 13:00, në rrugën “Luan Haradinaj” në Prishtinë, ka ndodhur një aksident komunikacioni rrugor, ku kanë qenë të përfshira dy automjeteve në lëvizje”, thuhet në përgjigjen e PK-së.
Gjithashtu është bërë e ditur se dy të aksidentuarit janë dërguar për tretman mjekësor, ndërkohë që me rastin po merret njësiti i trafikut.
