Për tre ditë, Policia e Kosovës ka arritur të identifikojë dhjetëra fëmijë dhe të rritur lëmoshë-kërkues.
Nga ky plan i cili kishte shtrirje në tërë territorin e Republikës së Kosovës, rezultoi se nga 44 fëmijë sa u identifikuan, 36 prej tyre ishin shtetas të Kosovës, ndërsa 8 prej tyre të Shqipërisë.
“Të gjithë fëmijëve lëmoshë-kërkues kanë qenë të shoqëruar nga familjaret e tyre dhe të pajisur me dokumente. Gjatë procedurave policore nuk është identifikuar asnjë viktimë e trafikimit me njerëz“, thuhet në njoftimin e Policisë.
Po ashtu, nga Policia bëjnë të ditur se numri i të dyshuarve, ndaj të cilëve është ngritur kallëzim penal, është gjithsej 16 persona, kurse fëmijët janë drejtuar në Qendrat për Punë Sociale.
Policia e Kosovës, shtetasit e Shqipërisë pas verifikimit i ka referuar në Drejtorinë për Migrim dhe të Huaj për trajtim të mëtutjeshëm sipas ligjit për të huaj.
Të gjithë të miturit lëmoshë-kërkues kanë qenë të shoqëruar nga familjaret e tyre dhe të pajisur me dokumente.
Gjatë procedurave policore nuk është identifikuar asnjë viktimë e trafikimit me njerëz.
