Policia e Çekisë ka filluar kontrollet në kufirin me Austrinë pas sulmit që ndodhi sonte pranë një sinagoge të Vjenës që kishte lënë të paktën shtatë të vdekur dhe disa të plagosur, sipas mediave botërore, transmeton Gazeta Sinjali.
“Policia po kryen kontrolle të rastësishme të automjeteve dhe udhëtarëve në pikat kufitare me Austrinë si një masë parandaluese në lidhje me sulmin terrorist në Vjenë,” shkroi policia Çeke në Twitter.
Ky njoftim vjen pasi ministri i brendshëm austriak konfirmoi se zbatimi i ligjit po zgjeronte kërkimin e tyre për sulmuesit jashtë Vjenës.
Ministri i Brendshëm çek, Jan Hamacek tha në një cicërimë se Policia Çeke ishte gjithashtu në kontakt me kolegët austriakë pas “lajmeve të tmerrshme nga Vjena”.
Ndërkaq, kryeministri çek Andrej Babis shkroi ngushëllimet e tij rreth sulmit pranë sinagogës Stadttempel.
“Unë jam i tmerruar nga sulmi në sinagogën e Vjenës dhe dua të shpreh solidaritetin tim për të gjithë njerëzit në Austri dhe mikun tim (Kancelarin austriak) Sebastian Kurz,” shkroi Babis në Twitter.
