Chelsea dështoi të fitojë sot në udhëtim te skuadra e Bournemouth, duke mbetur me vetëm një fitore të arritur pas 5 xhirove të para.
“Blutë” ndodhen në pozitën e 14-të aktualisht me vetëm 5 pikë të mbledhura në 5 xhirot e para, me dy barazime, dy humbje e një fitore.
Pas ndeshjes, tekniku argjentinas i Chelseas, Mauricio Pochettino ka dhënë se ata e merituan të fitojnë.
Ndër të tjerash ai tha se tifozët e klubit janë të zhgënjyer por se nuk shqetësohet për këtë gjë.
“Tifozët janë të zhgënjyer për shkak të situatës, por unë nuk jam i shqetësuar për këtë. E them këtë sepse ne me të vërtetë e dimë se çfarë po bëjmë – e merituam të fitonim”, tha për Sky.
