Gjendja e qytetarëve pakistanez çdo ditë e më shumë po përkeqësohet për shkak të përmbytjeve të shumta që po ndodhin aktualisht. Gjendja alarmante e krijuar ka marrë vëmendjen e të gjitha shteteve të botës.
Vendi ka marrë gati 190% më shumë shi se mesatarja 30-vjeçare në tremujorin deri në gusht të këtij viti, që arrin në 390.7 milimetra (15.38 inç). Provinca Sindh, me një popullsi prej 50 milionë banorësh, u godit më së shumti, duke marrë 466% më shumë shi se mesatarja 30-vjeçare.
Është një transformim tronditës nga fotografia e marrë nga i njëjti satelit në të njëjtën datë të vitit të kaluar, e cila tregon lumin dhe degët e tij të përfshira në ato që në krahasim duken të jenë të vogla dhe të ngushta, duke theksuar shkallën e dëmtimit në një nga zonat më të goditura. Musoni i këtij viti është tashmë më i lagështi i vendit që nga fillimi i regjistrimeve në vitin 1961, sipas Departamentit Meteorologjik të Pakistanit, dhe sezoni ka ende një muaj për të përfunduar. Në të dy provincat Sindh dhe Balochistan, reshjet kanë qenë 500% mbi mesataren, duke përfshirë fshatra të tëra dhe toka bujqësore, duke shkatërruar ndërtesa dhe duke zhdukur të korrat.
Ndërkohë që në rajon pritet mot kryesisht i thatë në ditët në vijim, ekspertët thonë se uji do të marrë ditë që të ulet, Sherry Rehman, tha të dielën se pjesë të vendit “i ngjajnë një oqeani” dhe se “deri në përfundimin e kësaj, ne mund të kemi një të katërtën ose një të tretën e Pakistanit nën ujë”.
Përmbytje me përmasa apokaliptike
Në një intervistë me CNN të martën, Ministri i Jashtëm i Pakistanit Bilawal Bhutto Zardari tha se kishte vizituar Sindhin dhe kishte parë nga dora e parë se si përmbytjet kishin zhvendosur fshatra dhe qytete të tëra.”Nuk ka pothuajse asnjë tokë të thatë që mund të gjejmë. Shkalla e kësaj tragjedie 33 milionë njerëz, kjo është më shumë se popullsia e Sri Lankës apo Australisë,” tha ai.”Dhe ndërsa ne e kuptojmë se realiteti i ri i ndryshimeve klimatike do të thotë mot më ekstrem, ose musonë, valë më ekstreme të të nxehtit siç pamë në fillim të këtij viti, shkalla e përmbytjes aktuale është me përmasa apokaliptike.
Sigurisht që shpresojmë që të mos jetë një klimë e re realitet”. Pamjet satelitore nga Maxar Technologies nga zona të tjera të vendit tregojnë se si fshatra të tëra dhe qindra parcela tokash të gjelbëruara janë rrafshuar nga përmbytjet që lëvizin me shpejtësi.
Kryeministri i Pakistanit Shehbaz Sharif mbërriti në provincën veriore Khyber Pakhtunkhwa të mërkurën për të inspektuar dëmet e shkaktuara nga përmbytjet. Provinca ka regjistruar shumicën e vdekjeve të fundit pasi nivelet e ujit u rritën në mënyrë eksponenciale, tha Autoriteti Kombëtar i Menaxhimit të Fatkeqësive të vendit.Sharif tha të martën se përmbytjet ishin “më të këqijat në historinë e Pakistanit” dhe nevojitej ndihma ndërkombëtare për të përballuar shkallën e shkatërrimit.
Fotot para dhe pas përmbytjeve mund ti shikoni KËTU.
