image Peach pas takimit me Kurtin: Veprimet e qeverisë e kanë dëmtuar reputacionin e Kosovës

Politikë

Peach pas takimit me Kurtin: Veprimet e qeverisë e kanë dëmtuar reputacionin e Kosovës

news image

Pas vizitës së katërt në Kosovë, emisari britanik, Stuart Peach ka dalë me një deklaratë publike duke komentuar zhvillimet e fundit në vend dhe dëmet që sollën ato.

Ai tha se këto veprime ishin të njëanshme të Qeverisë së Kosovës, të cilat kanë shkaktuar pasoja dhe ia kanë dëmtuar imazhin ndërkombëtar dhe reputacionin te aleatët.

Po ashtu, ai ka thënë se Britania e Madhe ka qëndruar pranë Kosovës dhe do të vazhdojë të qëndrojë edhe tani, por ka shprehur qëndrimin e tij se kjo qasje e qeverisë, do ta vështirësojë situatën.

“Kjo është vizita ime e katërt në Kosovë dhe po ndodh në një kohë të vështirë. Kam takuar Kryeministrin Kurti si dhe Zëvendëskryeministrin Gërvalla Ministrin e Mbrojtjes Mehaj, KFOR-in dhe Ambasadorin Hovenier.  Në takimin me Qeverinë, kam përçuar një mesazh shumë të qartë: veprimi i Qeverisë së Kosovës për të imponuar vendosjen e kryetarëve në objektet komunale me forcë, ishte i pamatur dhe ka shkaktuar pasoja të dëmshme. Është e nevojshme që të gjitha palët të angazhohen për de-eskalim”, ka shkruar Peach.

Peach shtoi se nga bisedat me homologët në Uashington dhe Bruksel ka kuptuar se Kosova është dëmtuar si për nga imazhi, ashtu edhe te reputacioni që e kishte te vendet e aleate.

“Po vështroj me kujdes ngjarjet dhe po bisedoj me homologët në Uashington, Bruksel dhe përtej. Këto diskutime e kanë bërë të qartë për mua se këto ngjarje kanë dëmtuar imazhin ndërkombëtar të Kosovës dhe reputacionin e saj te aleatët.  Britania e Madhe ka qëndruar pranë Kosovës në kohëra të mira dhe të këqija si mike dhe mbështetëse dhe do të vazhdojë kështu, por veprimet e njëanshme vetëm sa do të përkeqësojnë situatën”, ka shkruar në fund Peach.

A statement from Lord Peach, the UK Prime Minister’s Special Envoy to the Western Balkans, on his visit to Kosovo:

Posted by British Embassy Pristina on Wednesday, May 31, 2023

/GazetaSinjali/