Presidenti i Letonisë, Eklis Levits sot po qëndron në Kosovë ku është duke takuar krerët institucional të vendit.
Levits u takua me presidenten Vjosa Osmani, ku kjo e fundit ka thënë se Kosova do t’i sfidojë kërcënimet që i vijnë nga Rusia, me qëndrueshmërinë dhe vendosmërinë për ta forcuar demokracinë dhe lirinë.
Gjatë një konference për media të premten me presidentin e Letonisë, Egils Levits, Osmani ka thënë se nëse shtetet evropiane qëndrojnë të bashkuara, do të kenë sukses në luftën kundër tiranisë.
“Jam e bindur se me qëndrueshmërinë e popullit të Kosovës dhe me vendosmërinë tonë për ta forcuar demokracinë dhe lirinë, do t’i sfidojmë kërcënimet që nga vijnë nga Rusia. Nëse qëndrojmë të bashkuar jam e bindur në suksesin tonë në luftën kundër tiranisë dhe autokracisë”, ka thënë Osmani.
Ajo po ashtu ka thënë se Osmani i ka kërkuar homologut të saj Levits që Letonia ta mbështet Kosovën në rrugën e saj të anëtarësimit në NATO dhe BE.
“Duke qenë se Letonia është një zë kyç në NATO dhe në BE kërkova mbështetjen e Levits në rrugëtimin tonë drejtë integrimitt euro-atlantik dhe kam theksuar se këto aleanca duhet t’i kenë gjithnjë dyert e hapura për shtetet si Republika e Kosovës”, ka thënë Osmani.
Ajo ka shtuar se vizita e parë e një presidenti letonez në Kosovë po bëhet në një kohë të vështirë për sigurinë evropiane dhe globale.
